Sofje, 26 korrik 2022 (MIA) - Partia socialiste bullgare nuk do ta kthejë mandatin e tretë dhe të fundit për formim të Qeverisë, vendosi Këshilli nacional i partisë, lajmëroi korrespondenti i MIA-s nga Sofja. Trupi ekzekutiv i socialistëve bullgar me 96 vota "për", 15 "kundër" dhe dy të përmbajtur votoi partia e tyre të tentojë ta realizojë mandatin, në vend se t'ia kthejë presidentit bullgar, Rumen Radev. Pritet BSP ë parlament të propozojë program ligjvënës me 97 masa - ndryshime të ligjeve, propozime për zgjedhje në funksione udhëheqëse. Programi do të jetë gjashtëmujor - deri në fund të vitit dhe do të shërbejë si test për mbështetjen e mundshme për kabinetin. Nëse programi e mbledhë shumicën prej 121 deputetëve në Kuvendin e 47-të nacional të Bullgarisë, ditën e nesërme BSP do të parashtrojë kandidatin e vet për kryeministër, ndërkaq ai do të jetë Asen Vasilev. "Nëse programi të premten nuk grumbullon shumicën në Kuvendin nacional, BSP do ta kthejë mandatin", deklaroi zëvendëskryeministrja dhje lidere e BSP-së, Kornelia Ninova. ab/