Budapest, 28 tetor 2025 (MIA) - Rruga drejt një dialogu të sigurt dhe të suksesshëm kalon nëpër Euroazi, deklaroi ministri i Punëve të Jashtme të Hungarisë, Peter Sijarto. 

Para se të udhëtonte për të vizituar kryeqytetin e Bjellorusisë, Minsk, Sijarto theksoi se vetëm dialogu Lindje-Perëndim mund ta përmirësojë situatën aktuale kritike të sigurisë në botë.  

"Siguria globale është në gjendje kritike, sigurisht më e keqja që nga fundi i Luftës së Ftohtë, por ndoshta edhe që nga fundi i Luftës së Dytë Botërore", theksoi ministri hungarez i Punëve të Jashtme. 

Sipas tij, situata mund të përmirësohet vetëm nëse vendet i rikthehen diplomacisë dhe dialogut. 

"Nëse nuk jemi në gjendje ta bëjmë këtë, do të kemi probleme të vërteta", shtoi ai. 

Sipas tij, dialogu me Euroazinë është shtyllë shumë e rëndësishme. 

"Duhet të gjejmë rrugën drejt një Evrope të sigurt dhe të fuqishme, ndërsa kthimi në atë rrugë çon përmes dialogut me Euroazinë", përfundoi Sijarto. rq/

Foto: Sijarto në Fejsbuk