Romë, 25 nëntor 2024 (MIA) - Disa ministra arabë të Punëve të Jashtme, të mbledhur në Romë në margjinat e takimit të G7, kanë bërë thirrje sot për armëpushim në Gaza dhe Liban dhe sigurim të ndihmës humanitare për palestinezët.

Ministrza e Jordanisë, Egjiptit, Libanit dhe Emirateve të Bashkuara Arabe, si dhe Sekretari i përgjithshëm i Ligës Arabe, morën pjesë në konferencën në Romë, përpara se t'u bashkoheshin ministrave të G7 më vonë në qytetin e vogël Fuxhi.

"Gaza tani është varreza e fëmijëve, varreza e vlerave njerëzore, varreza e së drejtës ndërkombëtare", tha ministri jordanet  i Punëve të Jashtme, Ajman Safadi.

Konflikti në Lindjen e Mesme është në krye të axhendës së G7-ës, pasi raportohet se progresi është i mundur në përpjekjet për të vendosur një armëpushim midis Izraelit dhe Hezbollahut të Libanit.

Ambasadori i Izraelit në SHBA, Majkëll Herzog, tha se një marrëveshje mund të arrihet në ditët e ardhshme.

Nënkryetari i parlamentit libanez, Elias Busab, megjithatë e akuzoi Izraelin për shtimin e bombardimeve të Libanit për t'i bërë presion qeverisë në Bejrut që të pranojë lëshime në negociatat indirekte me Hezbollahun.

Jemi afër orës vendimtare për arritjen e armëpushimit, tha përfaqësuesi libanez, duke shtuar se pala libaneze është optimiste dhe ka shpresë, por se "asgjë nuk është e garantuar me dikë si kryeministri izraelit Benjamin Netanjahu".

Izraeli ka nisur sulme të rënda në qendër të Bejrutit në ditët e fundit dhe Hezbollahu ka shtuar sulmin me raketa ndaj Izraelit.

Ndërkohë, SHBA po përpiqet të arrijë një marrëveshje sipas së cilës luftëtarët e Hezbollahut dhe forcat izraelite do të tërhiqen nga Libani jugor dhe ushtarët libanezë dhe paqeruajtësit e OKB-së do të patrullojnë zonën.

Ministri i Punëve të Jashtme të Egjiptit, Badr Abdelati konfirmoi se Kajro të hënën e ardhshme do të jetë nikoqire e një konference ministrore për mobilizimin e ndihmës ndërkombëtare për Gazën.

Në konferencë ai bëri thirrje për një armëpushim të menjëhershëm në Gaza dhe Liban, lirimin e pengjeve dhe ofrimin e ndihmës humanitare për palestinezët dhe fillimin e një procesi politik serioz dhe të mirëfilltë për krijimin e një shteti palestinez. mb/

Foto: MIA