• e mërkurë, 24 korrik 2024

Seanca e parë e Qeverisë greke pas rikonstruksionit, Micotakis i prezantoi prioritetet kryesore

Seanca e parë e Qeverisë greke pas rikonstruksionit, Micotakis i prezantoi prioritetet kryesore

Athinë, 15 qershor 2024 (MIA) - Ballafaqimi me rritjen e çmimeve, një shtet më efikas, ristrukturimi i sektorit primar, shëndetësia dhe arsimi më i mirë, do të thosha se tani po bëhen prioritetet tona më të fokusuara, deklaroi kryeministri grek Kiriakos Micotakis në fillim të seancës së sotme të qeverisë, e cila po mbahet me formacionin e ri pas rikonstruksionit të djeshëm, njoftoi korrespondentja e MIA-s nga Athina.

Rikonstruksioni erdhi vetëm pak ditë pas zgjedhjeve evropiane, në të cilat Demokracia e Re në pushtet, ndonëse fitoi me 28.3 për qind, megjithatë nuk arriti objektivin e caktuar prej 33 për qind të arritur në zgjedhjet evropiane pesë vjet më parë.

Në fillim të seancës së qeverisë, Micotakis iu referua rezultateve të zgjedhjeve, ai përsëriti se qytetarët në mënyrën e tyre u kanë dërguar mesazh “kemi besim tek ju, por mundohuni më shumë”.

“Në fakt na kërkuan më shumë punë dhe më pak gabime, rezultate më të mëdha dhe më pak vonesa në rrugë pa kthesa hipokrite djathtas, majtas apo qendër, me drejtim vetëm përpara”, theksoi Micotakis dhe shtoi se përmes qeverisë së re po dërgojnë një "mesazh kolektiv për një rinisje dinamike".

Pas seancës së sotme qeveritare, kryeministri grek do të udhëtojë drejt Zvicrës që të marrë pjesë në Konferencën e paqes në Ukrainë. mb/

Fotoë Kabineti i kryeministrit grek

QËNDRONI TË LIDHUR