Sofje, 24 nëntor 2022 (MIA) - Instituti kombëtar i statistikave të Bullgarisë ka njoftuar se 5.118.494 persona i përkasin grupit etnik bullgar, që është 84.6 për qind e të cilëve janë përgjigjur në pyetjen për përkatësinë etnike në regjistrimin e shtatorit të vitit 2021, njoftoi korrespondenti i MIA-s nga Sofja. Krahasuar me vitin 2011 është një rënie prej 0.2 përqindëve. Se i përkasin grupit etnik turk në Bullgari janë prononcuar 508.378, ose 8,4 për qind - një rënie prej 0.4 përqindëve në dhjetë vitet e fundit kur u krye regjistrimi i mëparshëm. Grupi i tretë etnik më i madh në Bullgari janë romët. Të tillë janë deklaruar 266.720, ose 4.4 për qind – një rënie prej 0.5 përqindëve. 79.006 persona (1.3 për ind) deklaruan se i përkasin grupeve të tjera etnike. Nuk mund të vetëpërcaktohen 15.746 (0.3 për qind) persona. Në qytetet e Bullgarisë jetojnë 77.5 për qind e bullgarëve, 38.4 për qind e turqve dhe 51.0 për qind e grupit etnik romë. Plakja e popullsisë në Bullgari i prek më së shumti personat nga komuniteti etnik bullgar 25,0 për qind, grupi etnik turk është 19,8 për qind, ndërsa romët 7,3 për qind. mb/