Qyteti ukrainas Lviv do të jetë kryeqytet evropian i rinisë për vitin 2025
Tiranë, 26 nëntor 2022 (MIA) – Qyteti ukrainas Lviv është shpallur për kryeqytet evropian të rinisë për vitin 2025, në ceremoni që u mbajt në Teatrin e operës dhe baletit në Tiranë.
Titullin e prezantoi prefekti i Tiranës, Erion Veliaj, duke e pasur parasysh se Tirana sivjet e mbajti titullin Kryeqytet evropian i rinisë, ku u mbajtën mbi 1000 aktivitete për të rinjtë.
"Fqinjët janë të rëndësishëm për ne! Fqinjët janë të rëndësishëm për ne kur janë në ndërtesë, qofshin ata që na rrethojnë në shkollë, në punë, por janë më të rëndësishëm nëse janë vendet që na rrethojnë. Ndërsa përjetojmë një luftë në Evropë, si kjo në Ukrainë, agresion brutal, të gjithë e kuptojmë se nuk duhet t'i marrim fqinjët si të mirëqenë", tha Veliaj gjatë fjalimit të tij.
Në konkurrencë të ngushtë me Lviv ishin Izmiri i Turqisë, Fuenlabrada, Spanja dhe Tromso i Norvegjisë. fb/
