Mask dhe një grup ekspertësh kërkojnë pauzë në zhvillimin inteligjencës artificiale për shkak të "rreziqeve për shoqërinë"
- Elon Mask dhe një grup ekspertësh të inteligjencës artificiale po bëjnë thirrje për një pauzë gjashtëmujore në zhvillimin e sistemeve më të fuqishme nga GPT-4 i lançuar paradokohe, në një letër të hapur duke paralajmëruar për rreziqe të mundshme për shoqërinë dhe njerëzimin.
- Post By Melahat Baftija
- 16:35, 29 mars, 2023
![Mask dhe një grup ekspertësh kërkojnë pauzë në zhvillimin inteligjencës artificiale për shkak të](https://mia.mk/images/20230329163530_big_730x400_62.webp )
Nju-Jork, 29 mars 2023 (MIA) - Elon Mask dhe një grup ekspertësh të inteligjencës artificiale po bëjnë thirrje për një pauzë gjashtëmujore në zhvillimin e sistemeve më të fuqishme nga GPT-4 i lançuar paradokohe, në një letër të hapur duke paralajmëruar për rreziqe të mundshme për shoqërinë dhe njerëzimin.
Në fillim të këtij muaji, kompania OpenAI në bashkëpunim me Microsoft publikoi versionin e katërt të programit GPT (Generative Pre-trained Transformer), e cila i fitoi përdoruesit për shkak të gamës së gjerë të përdorimeve, nga kompozimi i këngëve deri te kompresimi i teksteve të gjata.
Letra, e publikuar nga Instituti jofitimprurës Future of Life dhe e nënshkruar nga më shumë se një mijë njerëz, përfshirë Mask, bën thirrje për një pauzë në zhvillimin e inteligjencës artificiale të avancuar derisa ekspertë të pavarur të dalin me protokollet e sigurisë.
“Sistemet e fuqishme të intekigjencës artificiale duhet të zhvillohen vetëm kur kemi besim se efektet e tyre do të jenë të dobishme dhe se rreziqet mund të menaxhohen”, thuhet në letër.
Autorët tregojnë për rreziqet në formën e ndërprerjeve ekonomike dhe politike dhe u bëjnë thirrje programuesve që të bashkëpunojnë me autoritetet dhe organet rregullatore.
Shqetësimet e tyre përkojnë me një paralajmërim të Europol, i cili të hënën vuri në dukje një sërë problemesh etike dhe ligjore të sjella nga ChatGPT, në lidhje me keqpërdorimet e mundshme për sulme kibernetike, dezinformata dhe krime kibernetike. mb/
Foto:EPA