Minsk, 22 gusht 2025 (MIA) - Presidenti bjellorus Aleksandar Lukashenko deklaroi sot se javën e kaluar pati një bisedë telefonike me presidentin e SHBA-së, Donald Tramp në lidhje me Ukrainën.

Sipas Lukashenkos, për të arritur paqen duhet të përfundojnë disa faza.

"Por tani gjëja më e rëndësishme është të ndalen luftimet dhe humbja e jetëve. Para së gjithash, mund të flasim për vendosjen e një armëpushimi ajror dhe një armëpushimi në vijën e kontaktit. Në fakt, të mos fluturohen raketa dhe dronë në asnjë drejtim. Kjo është shumë e rëndësishme. Dhe për rusët gjithashtu. Për Ukrainën edhe më shumë", tha Lukashenko.

Ai shtoi se Rusia mund të kishte përdorur armën e saj të re - sistemin raketor "Oreshnik", por nuk e bëri këtë "sepse është plotësisht e përkushtuar ndaj një zgjidhjeje paqësore". mb/

Foto: EPA