Tiranë, 28 janar 2026 (MIA) - Kuvendi i Shqipërisë, me 85 vota "pro" dhe 10 kundër, miratoi sot në mëngjes një paketë ndryshimesh në Kodin Penal, të cilat ofrojnë siguri më të madhe për gazetarët duke dekriminalizuar shpifjen nga ana e tyre, si dhe dënime nga dy deri në pesë vjet burg për kërcënimin ose sulmin ndaj tyre.

Ndryshimet në Kodin Penal parashikojnë gjithashtu dënime më të rrepta për ndërtimet e paligjshme dhe zjarrvënien e qëllimshme.

Pas miratimit të paketës legjislative, ministri i Drejtësisë i Shqipërisë, Besfort Lamallari, shkroi në rrjetet sociale se ky vendim është një hap i rëndësishëm drejt forcimit të sundimit të ligjit dhe përmbushjes së detyrimeve të Shqipërisë në procesin e integrimit evropian.

Lamallari tha se "sfida e madhe" e radhës është drafti i një Kodi të ri Penal, duke shtuar se përgatitja e tij është në proces. mb/

Foto: Kuvendi i Shqipërisë