Berlin, 7 tetor 2025 (MIA) – Kryebashkiakja e sapozgjedhur e qytetit Herdeke të Gjermanisë, socialdemokratja Iris Stalcer, është plagosur rëndë në një sulm me thikë, publikuan mediat gjermane. 

Sipas policisë, Stalcer pësoi plagë të shumta me thikë, ndërsa në qytetin e Rajna-Vestfalias veriore një operacion i madh policor është duke u zhvilluar, shkruan gazeta gjermane "Shpigel". 

Detajet për sulmin dhe identitetin e autorit ende janë të panjohura. 

Kancelari gjerman Fridrih Merc shprehu shqetësim të thellë, duke shkruar në platformën "Iks"" se shpreson për shërimin e plotë të politikanes. 

Pesëdhjetë e shtatë vjeçarja Stalcer u zgjodh kryetare diçka më pak se dy javë, duke fituar 52,2 për qind të votave në rrethin e dytë të zgjedhjeve. rq/

Foto: EPA