Shkup, 21 janar 2022 (MIA) - Kryeministri Dimitar Kovaçevski dhe ekipi i tij ekonomik u takua me kryetarin e Odës Ekonomike të Maqedonisë së Veriut Branko Azeski, anëtarë të Bordit të Drejtorëve dhe biznesmenë të njohur në vend për të theksuar rëndësinë e bashkëpunimit të vazhdueshëm partneritet me komunitetin e biznesit me qëllim arritjen e ritmeve më të larta të rritjes ekonomike dhe adresimin e sfidave të krizës energjetike dhe pandemisë që ndikojnë në kapacitetin financiar të ekonomisë. “Në frymën e bashkëpunimit konstruktiv, kryeministri Kovaçevski dhe kryetari i Odës Ekonomike Azeski u pajtuan që më 18 shkurt Oda të tërheqë iniciativën para Gjykatës Kushtetuese për zgjidhjen ligjore për ditën e dielë për ditë jo-pune dhe se zgjidhje gjithëpërfshirëse për sfidat do të gjenden në periudhën e ardhshme për zbatimin e ligjit”, tha shërbimi për shtyp i qeverisë. Në takimin me komunitetin e biznesit, kryeministri Kovaçevski theksoi se fokusi i ekonomisë është prioritet dhe iu referua bashkëpunimit aktual dhe rëndësisë së procesit gjithëpërfshirës për miratimin e masave kundër krizës që dhanë rezultate të mira, mbrohen 60.000 vende pune gjithashtu u ruajt likuiditeti i kompanive. “Qëllimi i vizitës së sotme është praktikisht vazhdimi i bashkëpunimit dhe për këtë ne po e mbajmë takimin menjëherë në javën e parë të zgjedhjes së Qeverisë së re dhe dua t'ju siguroj se takime të tilla do të vazhdojnë pavarësisht nëse do të të bëhet këtu ose në kabinetin e qeverisë, ne mbetemi përkrahës si Qeveri e sektorit privat, është një kurs që kjo Qeveri e ka që nga formimi i saj”, tha Kovaçevski në fjalën përshëndetëse para kompanive anëtare të Odës. Në takim, Kovaçevski së bashku me ekipin qeveritar ekonomik, zëvendëskryeministrin për çështje ekonomike dhe koordinim të departamenteve ekonomike Fatmir Bytyqi, ministrin e financave Fatmir Besimi, ministrin e ekonomisë Kreshnik Bekteshi, si dhe me ministren e Punës dhe Politikës Sociale Jovana Trençevska diskutuan me kryesin e Odës Ekonomike të Maqedonisë së Veriut për realizimin e Planit për rritje ekonomike, i cili ka të bëjë me përshpejtimin e investimeve publike dhe kapitale vendore si dhe të investimeve të huaja strategjike. Në këtë drejtim, në takimin e punës u theksua se po punohet ligjore për stimulimin e formave të ndryshme të investimeve në energjetikë, si dhe për monitorimin e proceseve investuese dhe efikasitetin e zbatimit, si dhe nevojën e sinkronizimit të proceseve të digjitalizimit në institucionet qeveritare me qëllim koordinimin e procesit. Nga komuniteti i biznesit kanë dalë edhe propozime të tjera, si hapa afatshkurtra, afatmesme dhe afatgjata për të ndërmarrë hapa të caktuar për tejkalimin e problemit të krizës energjetike. bs/