Janë gjetur trupat e të gjitha viktimave në aksidentin ajror në Brazil
- Autoritetet në Brazil kanë konfirmuar se janë gjetur të gjithë trupat e të vdekurve në rrëzimin e aeroplanit në shtetin brazilian Sao Paolo dhe se identifikimi i viktimave nga aksidenti i aeroplanit dymotorrësh të kompanisë Voepas, që u rrëzua në zonën e qytetit Vinjedos është duke vijuar.
- Post By Melahat Baftija
- 13:59, 11 gusht, 2024
![Janë gjetur trupat e të gjitha viktimave në aksidentin ajror në Brazil](https://mia.mk/images/20240811123412_big_730x400_36.webp )
Sao Paolo, 11 gusht 2024 (MIA) - Autoritetet në Brazil kanë konfirmuar se janë gjetur të gjithë trupat e të vdekurve në rrëzimin e aeroplanit në shtetin brazilian Sao Paolo dhe se identifikimi i viktimave nga aksidenti i aeroplanit dymotorrësh të kompanisë Voepas, që u rrëzua në zonën e qytetit Vinjedos është duke vijuar.
Siç raportoi BBC, të shtunën numri i viktimave kishte arritur në 62, pasi pas njoftimeve të para u konfirmua se në fluturimin fatal kishte edhe një udhëtar tjetër, i cili nuk ishte i regjistruar.
Presidenti brazilian Luis Inasio Lula da Silva shpalli tre ditë zie pas rrëzimit të aeroplanit pranë Sao Paolos, ku humbën jetën të gjithë udhëtarët dhe anëtarët e ekuipazhit. mb/
Foto: EPA