Teheran, 21 korrik 2025 (MIA) - Irani konsideron se vendet evropiane janë fajtore për dështimin e marrëveshjes bërthamore nga viti 2015 dhe i akuzon ato për dështim në përmbushjen e detyrimeve të tyre, kumtoi sot zëdhënësi i Ministrisë së Punëve të Jashtme të vendit.

Përfaqësuesit e Teheranit të premten do të takohen me homologët e Francës, Gjermanisë dhe Britanisë në Stamboll për të diskutuar aktivitetet bërthamore të Iranit.

Parisi, Londra dhe Berlini në javët e fundit e kanë kërcënuar Iranin me rivendosjen e sanksioneve dhe e kanë akuzuar atë për dështim në përmbushjen e detyrimeve të tij bërthamore.

"Palët evropiane ishin fajtore dhe e neglizhuan zbatimin e marrëveshjes bërthamore", deklaroi zëdhënësi iranian i Ministrisë së Punëve të Jashtme, Esmail Bagai, duke shtuar se Irani ka reduktuar detyrimet e tij në përputhje me kushtet e marrëveshjes.

Irani në vitin 2015 me disa vende evropiane, Kinën dhe Rusinë arriti marrëveshje me të cilën parashikonte kufizime të konsiderueshme në programin e tij bërthamor në këmbim për heqje graduale të sanksioneve.

Në marrëveshje u përfshi dhe SHBA-ja, por u tërhoqën në vitin 2018 dhe rivendosën sanksione ndaj Teheranit, gjatë mandatit të parë të Donald Trampit. rq/bsh/

Foto: arkivi i MIA-s