Gaza, 30 tetor 2025 (MIA) - Grupi islamist palestinez Hamas i ka dorëzuar Kryqit të Kuq arkivolet me trupat e dy pengjeve të tjera izraelite në Rripin e Gazës, njoftoi ushtria izraelite.

Bëhet fjalë për eshtrat e dy personave të rrëmbyer gjatë sulmit të Hamasit ndaj Izraelit më 7 tetor të vitit 2023. Kryqi i Kuq më pas ia dorëzoi arkivolet ushtrisë izraelite.

Nga Kabineti i kryeministrit izraelit Benjamin Netanjahu konfirmuan se Izraeli kishte marrë dy trupa të tjerë pengjesh.

Deri më tani, Hamasi ka kthyer 15 nga 28 trupat e pengjeve që Izraeli thotë se janë ende në Gaza.

Të hënën në mbrëmje, grupi i dorëzoi Izraelit pjesë të një trupi që më vonë rezultoi të ishte ai i një pengu që ishte dorëzuar tashmë, gjë që, së bashku me vonesat në dorëzim, ka zemëruar qeverinë izraelite. mb/

Foto: MIA