Paris, 14 gusht 2025 (MIA) - Katër trupa të pajetë janë gjetur në lumin Sena, në afërsi të Parisit, kumtuan sot prokurorët e Parisit, njoftoi DPA.

Autoritetet deri tani nuk kanë gjetur prova që lidhin katër rastet, por kanë vënë re se lokacioni në Shoazi-le-Roa, ku u gjetën trupat, mund të sqarohet nga kushtet e lumit në këtë zonë.

Prokurorët në periferinë parisiene, Kretej, thonë se shkaqet për vdekjen dhe identiteti i viktimave mbeten të panjohura, njofton DPA.

Gazeta "Le Parizien" publikoi se katër viktimat ishin burra. Tre u gjetën të veshur plotësisht, ndërsa trupi i katërt ishte pa pantallona dhe veshje të poshtme.

Në raport theksohet se trupat sipas të gjitha gjasave kishin qenë në ujë disa ditë.

Gjetja e trupave u nxit nga një udhëtar në tren, i cili vuri re një nga trupat në Sena dhe për këtë njoftoi autoritetet. Shërbimet e emergjencës i gjetën trupat dje. rq/

Foto: Skrinshot nga Figaro