Nëse jeni adhurues i ëmbëlsirave me çokollatë me një teksturë të pasur dhe shije të thellë - Choco Figaro është zgjedhja e duhur. Kjo recetë është perfekte për të filluar ditën me kafe ose si përmbyllje e ëmbël për çdo vakt. Është e lehtë për t’u përgatitur, kurse rezultati është kënaqësi e vërtetë.

Përbërësit:

2 vezë

100 gram sheqer

100 gram arra të bluara

100 gram arra të grira

3 lugë gjelle qumësht

300 gram çokollatë gatimi

180 gram margarinë

100 gram biskota

200 gram sheqer (për karamel)

2 fleta obllandë

Përgatitja:

Rrihni vezët me 100 gram sheqer dhe vendosini në zjarr të ngadaltë. Shtoni margarinën, çokollatën e grirë, arrat e bluara dhe të grira, si dhe biskotat e bluara. Gatuajini në zjarr të ngadaltë, duke i përzier vazhdimisht, derisa përzierja të trashet. Shtoni 2-3 lugë gjelle qumësht të ftohtë dhe përzieni. Në një enë tjetër, shkrini 200 gram sheqer në zjarr të mesëm derisa të marrë ngjyrë karameli.Shpejt vendoseni karamelin në përzierjen kryesore dhe përziejeni menjëherë mirë. Hidheni përzierjen e fituar mbi obllandën e parë, dhe vendosni të dytën sipër dhe shtypeni lehtë me një dërrasë kuzhine ose peshë. Mbulojeni me peshqir dhe lëreni të formësohet. Vendoseni ëmbëlsirën në frigorifer. Pas 2-3 orësh është gati për t’u prerë dhe për t’u servuar. Priteni në kube ose në shkopinj dhe shërbejeni me kafe ose çaj

Këshillë: Nëse dëshironi, mund ta pasuroni shijen me pak vanilje gjatë përgatitjes, dhe sipër mund të dekorohet me çokollatë të shkrirë.

Foto: Freepik