Borrell: Ofensiva në Kursk është goditje e rëndë për Putinin
- Shefi i Punëve të Jashtme të Bashkimit Evropian, Zhosep Borrell e quajti sot ofensivën e Ukrainës në Kursk “goditje të rëndë” për presidentin rus Vladimir Putin.
- Post By Melahat Baftija
- 18:50, 21 gusht, 2024
![Borrell: Ofensiva në Kursk është goditje e rëndë për Putinin](https://mia.mk/images/20240821183919_big_730x400_84.webp )
Bruksel, 21 gusht 2024 (MIA) - Shefi i Punëve të Jashtme të Bashkimit Evropian, Zhosep Borrell e quajti sot ofensivën e Ukrainës në Kursk “goditje të rëndë” për presidentin rus Vladimir Putin.
Borrell gjithashtu u prononcua edhe për heqjen e kufizimeve territoriale për përdorimin e armëve të furnizuara nga vendet perëndimore në Ukrainë. Disa vende donatore këmbëngulën që armët e tyre të përdoren vetëm në territorin ukrainas.
"Ofensiva ukrainase në Kursk është një goditje e rëndë për narrativën e presidentit rus Putin. Heqja e kufizimeve në përdorimin e kapaciteteve kundër ushtrisë ruse e përfshirë në agresionin kundër Ukrainës, në përputhje me ligjin ndërkombëtar, do të kishte disa efekte të rëndësishme: forcimin e vetëmbrojtjes së Ukrainës, shpëtimin e jetëve dhe avancimin e përpjekjeve për paqe", shkroi Borrell në X.
Ai theksoi edhe një herë se BE-ja mbështet plotësisht luftën e Ukrainës kundër agresionit rus. mb/
Foto: MIA