Singapor, 24 mars 2026 (MIA) – Gjermania e forcon praninë detare në Atlantikun e Veriut që të lehtësojë presionin ndaj aleatëve të saj, deklaroi sot ministri i Mbrojtjes, Boris Pistorius gjatë vizitës së tij në Singapor. 

Pasi Mbretëria e Bashkuar po ripozicionon shkatërruesin e saj “HMS Dragon” në Mesdhe, fregata gjermane “Sachsen” do të vendoset si anija kryesore e task forcës së përhershme të NATO-s, shtoi Pistorius.

Funksionari gjerman tha se për këtë ka biseduar me homologun e tij britanik, Xhon Hilli. 

Gjithashtu, marina gjermane do të dërgojë edhe një fregatë, „Brandenburg“, në Atlantikun e Veriut. 

Kjo konsiderohet si përgjigje e aktiviteteve ushtarake ruse në rajon, edhe pse nuk janë bërë të ditura detaje zyrtare, transmetoi DPA. 

Mbretëria e Bashkuar e shpërndau “HMS Dragon“ në Mesdheun lindor për shkak të situatës në kulmin e luftës izraelite-amerikane kundër Iranit. Pas sulmit me dron mbi bazën britanike në Qipro, Mbretëria e Bashkuar dhe Franca e përforcuan praninë e tyre në rajon. fc/

Foto: EPA