9 јануари 2025 

Скопје - Поради дефект на улична цевка од ф 80мм на ул.„Роза Луксембург“ бр 6, денеска без вода ќе останат корисниците од улиците „Роза Луксембург“, „Христо Смирненски“, „Костурски Херои“, „Петар Попарсов“, „Борка Талевски“, „Димо Аницин“ и „9-ти Мај“.

Од ЈП Водовод и канализација - Скопје информираат дека водоснабдувањето ќе биде прекинато од 10:50 до завршување на интервенцијата. 

Скопје - АД ЕСМ склучи договор со фирмата „Топлина“, за ископ на јаглен и меѓуслојна јаловина во РЕК Битола. Станува збор за привремено ангажирање на економски оператор до изборот на изведувач на објавениот јавен повик, соопштија од АД ЕСМ.

Од компанијата нагласуваат дека изборот е направен со претходно добиена согласност од Бирото за јавни набавки, а итноста се должи на потребата од обезбедување на доволни количини на јаглен за континуирано производство на електрична енергија во термоелектраните „Битола“.

Куманово - Почна реконструкцијата на покривот на спортскиот објект Соколана во Куманово, информираа денеска надлежните од општината.

-Започнавме со реконструкција на кровната конструкција на објектот Соколана. Го враќаме сјајот на комплексот Соколана, храмот на спортот во Куманово, соопшти кумановскиот градоначалник, Максим Димитриевски.

Скопје - Центарот за управување со крзи (ЦУК) информира дека денеска, од 12:00 до 17:00 часот, е планирано минирање на локалитетот „Сладун“ во Општина Прилеп. 

Минирањето е поради потреби на градежништвото. 

Скопје - Во последното деноноќие имало пет пожари на отворен простор и сите се изгаснати, соопшти Центарот за управување со кризи (ЦУК). Четворица скопски пожарникари вчера, од 16:50 до 17:40 часот, со едно противпожарно возило гаснеле запалено ѓубре на обиколница кај Качанички пат, Општина Чучер Сандево.

ТППЕ Штип вчера, од 15:45 до 16:45 часот, гаснела запалена ниска вегетација и стрниште во атар на село Горни Балаван. Четворица пожарникари од ТППЕ Кочани вчера, од 12:39 до 13:50 часот, со две возила интервенирале на запалена ниска вегетација и нискостеблеста шума кај село Бали. Четворица пожарникари со две возила вчера од 13:58 до 16:00 часот гаснеле запалена ниска вегетација и нискостеблеста шума кај месноста Мегдан во Општина Кочани. Пожарникарите вчера гаснеле и запалена дива депонија кај Стара касарна во Кочани.

Дојран - Привршува изградбата на новата и модерна пречистителна станица. Ова е најголемиот проект за заштита на Дојранското Езеро од кој сите ние и идните генерации ќе ги почувствуваме бенефитите, објави на својот фејсбук профил градоначалникот на Дојран, Анго Ангов.

Средствата се обезбедени од Владата и Амбасадата на Словенија и прашање на денови е кога целосно ќе заврши изградбата на овој капитален објект.

Скопје - Поради дефект на улична цевка од ф 400мм на ул.„ 2“ Ново Село бб , денеска без вода ќе останат корисниците од Ново Село, Волково, Кисела Јабука, Орман и Никиштани.

Од ЈП Водовод и канализација - Скопје информираат дека водоснабдувањето ќе биде прекинато од 9:00 до завршување на интервенцијата.

Скопје - Поради дефект на улична цевка од ф 80мм на ул „Иван Манолев“ бр. 207, денеска без вода ќе бидат корисниците од оваа улица.

Како што информираат од ЈП „Водовод и канализација“ водоснабдувањето ќе биде прекинато од 09:20 до завршување на интервенцијата.