Shkup, 17 mars 2026 (MIA) - Me rastin e muajit të Frankofonisë, më 16 mars 2026, delegacioni i Seksionit të Kuvendit në Asamblenë Parlamentare të Frankofonisë vizitoi klasat dygjuhëshe të gjuhës frënge në Shkollën e Mesme Vasil Antevski Dren në Shkup.

Delegacioni përbëhej nga deputetet: Ivanka Vasilevska, kryetare e Seksionit, Saranda Imeri Stafai dhe Dragana Bojkovska, anëtare të Seksionit.

Delegacioni shoqërohej nga kryetarja e Komunës së Kisella Vodës, Beti Stamenkoska Trajkoska, SH.T. Kristof le Rigoler, ambasador i Republikës së Francës në Republikën e Maqedonisë së Veriut, si dhe Gregoar Zhisler, drejtor i Institutit Francez në Shkup.

Delegacioni i përzier u takua me drejtorin e shkollës së mesme, mësuesit në klasat dygjuhëshe të frëngjishtes dhe mori pjesë në prezantimin shkollor për nxënësit, ku deputetet patën mundësinë t'u drejtoheshin drejtpërdrejt pjesëmarrësve që po mësojnë frëngjisht dhe t'u ofronin mbështetje.

Qëllimi i vizitës ishte shkëmbimi i pikëpamjeve dhe përvojave në lidhje me punën e klasave dygjuhëshe, si dhe inkurajimi i nxënësve për të mësuar frëngjisht, si dhe gjuhë të tjera evropiane, duke përmirësuar kështu mirëkuptimin e tyre ndërkulturor. Deputetët dërguan mesazhe se diversiteti gjuhësor është mjet për të arritur mirëkuptim më të madh ndërkulturor dhe për të pasuruar trashëgiminë kulturore të kontinentit evropian. nmb/

Foto: Kuvend