Kiev, 21 mars 2025 (MIA) - Presidenti ukrainas Volodimir Zelenski sot, pas sulmit të ri të fuqishëm të Rusisë ndaj Ukrainës,  deklaroi se "vetëm presioni i përbashkët ndaj Moskës, i shoqëruar me sanksione më të ashpra dhe mbështetje më të fortë mbrojtëse për Kievin, do ta hapë rrugën e përfundimit të terrorit dhe vazhdimit të luftës nga Rusia".

"Presim presion të vërtetë ndaj Rusisë nga SHBA-ja,  Evropa dhe të gjithë partnerët tanë. Kjo është ajo që do t'i mundësojë diplomacisë të funksionojë", ka shkruar Zelenski në rrjetin X. 

 Ai njoftoi se Rusia e sulmoi Ukrainën gjatë natës dhe në mëngjes me më shumë se dyqind dronë goditës dhe u përdorën edhe bomba ajrore të drejtuara.

 Foto: Arkivi i MIA-s