Tiranë, 21 mar 2025 (MIA) - Komisioni Qendror i Zgjedhjeve në Shqipëri (KQZ) ka shpërndarë mbi 1,3 milionë euro për partitë politike pjesëmarrëse në zgjedhjet parlamentare të 11 majit. 

Sipas vendimit të KQZ-së, fondet shpërndahen sipas përfaqësimit të partive në përbërjen aktuale parlamentare.

Janë të përfshira 11 subjekte politike, ku shumën më të madhe e ka marrë Partia Socialiste në pushtet, mbi 656,000 euro dhe Partia Demokratike në opozitë 444,000 euro.

Partia e Lirisë do të marrë rreth 90.000 euro, ndërsa Partia Socialdemokrate dhe Partia Republikane do të marrin përkatësisht 30.000 dhe 20.000 euro.

Në zgjedhjet e 11 majit marrin pjesë 11 subjekte politike dhe koalicione. Koalicioni "Për Shqipërinë Madhështore" i drejtuar vetëm nga demokratët përbëhet nga 25 parti politike. qa/

Foto: MIA