Uashington, 20 shkurt 2025 (MIA) - Presidenti amerikan Donald Tramp me politikën e tij ndaj Ukrainës po i përmbush ëndrrat e diktatorit sovjetik Stalin, tha Ram Emanuel, ish ambasador i SHBA-së në Japoni.

"Të përçahet NATO-ja dhe të prishet aleanca Atlantike... Që nga koha e Rusisë nën Josif Stalinin, ky ka qenë qëllimi i vetëm (i Moskës) dhe presidenti amerikan po përmbush dëshirën e dashur të Stalinit," tha Emanuel, transmetoi edicioni Hill.

Sipas tij, administrata aktuale amerikane po arrin "të gjitha qëllimet e politikës së jashtme ruse", duke përfshirë edhe pranimin e negociatave dypalëshe me Moskën.

Ai u tha udhëheqësve evropianë që të dërgojnë negociatorët e tyre, sepse SHBA-ja ka nevojë për "mbikëqyrjen e të rriturve".

"Po të isha evropian, do të thosha: "Shkëlqyeshëm, le të shkojmë. Le të ulemi në tryezën e bisedimeve". Për shkak se ekipi i Shteteve të Bashkuara të Amerikës ka nevojë për mbikëqyrjen e të rriturve", vuri në dukje ish diplomati amerikan. sa/