Prishtinë, 2 dhjetor 2024 (MIA) - Deputetë të partive opozitare në Kosovë e kanë akuzuar kryeministrin Albin Kurti se gjithçka që ka thënë në fjalimin e sotëm në Kuvend është "gënjeshtër" dhe "përralla", njoftoi korrespondenti i MIA-s nga Prishtina.

Pas fjalimit të Kurtit në seancën e konvokuar nga opozita për të diskutuar për katër vitet e kaluara të qeverisjes së tij, në të cilën ai numëroi një sërë, sipas tij, suksese të Qeverisë, shefi i grupit parlamentar të Lidhjes Demokratike të Kosovës (LDK), Arben Gashi tha se kryeministri "ka gënjyer saherë që ka thënë diçka".

"Deri tani ky kryeministër mund të cilësohet me paaftësi, dështim, korrupsion, krim. Albin Kurti sot foli këtu për një orë dhe kryeministër nuk ishte asnjë sekondë. Ka qenë drejtor i një kompanie, ka qenë udhëheqës në spital, funksionar komunal, por asnjëherë, në asnjë rast, në asnjë kohë kryeministër i Kosovës", tha Gashi.

Shefi i Grupit parlamentar të Aleancës për Ardhmërinë e Kosovës (AAK), Besnik Tahiri tha se ky mandat qeveritar karakterizohet me "dështime dhe skandale".

Tahiri prezantoi propozim-rezolutën për qeverisjen katërvjeçare, duke potencuar se Kurti duhet të japë përgjigje për shumë pyetje.

"Ky kryeministër solli një ekspoze, pamflet me gjuhë të thatë, ndërsa tashmë vërtetohet se kjo mbetet vetëm një listë dëshirash. Dua të vë në dukje dështimet dhe skandalet: së pari, e gjithë kjo qeveri është një rekord thyes i Kushtetutës, skandali i dytë lidhet me problemet dhe korrupsionin me tenderat nga një burim, çështja e tretë lidhet me skandalin e ambasadorit (në Slloveni) Martin Berishaj (me blerje të dyshimtë të rrymës nga Serbia), për të cilin autoritetet duhet të deklarojnë nëse kanë qenë të informuar...", tha Besnik Tahiri.

Deputetja e AAK-së, Time Kadriaj tha se kryeministri gjatë fjalës së tij në Kuvend ka rrëfyer përralla".

"Kryeministri na rrëfeu përralla. Jemi ngopur me përralla kryeministër, duhet të kishe ardhur sot këtu dhe të na tregoje se çfarë ke bërë saktësisht. Një kryeministër duhet të flasë për shëndetësinë, arsimin dhe infrastrukturën, duke pasur ministrat këtu. Pastaj del se ata ministra janë të paaftë, kështu që duhet të raportoni për ministrat, kështu që morët barrën e gjithë qeverisë", tha Kadrijaj, duke kujtuar se Kurti tha se nuk do të dialogonte me Serbinë "pa u derdhur dritë mbi fatin e të zhdukurve dhe Serbia të kërkojë falje për krimet e kryera në Kosovë".

Shefi i deputetëve të Partisë Demokratike të Kosovës, Abelard Tahiri, ka thënë se Kurti pas katër vitesh po largohet nga Kosova "pa asnjë projekt të tij, të cilin e filloi dhe e përfundoi deri në fund".

Ai ka theksuar se gjatë kësaj qeverie, vendi është vënë nën sanksione nga bashkësia ndërkombëtare.

"Vendi ynë gjithashtu është nën sanksione nën këtë qeveri, kështu që nga qershori i vitit 2023 BE-ja paguan vetëm paga për punëtorët e saj që punojnë në Republikën e Kosovës. Më e dhimshme se kjo është marrëdhënia me Shtetet e Bashkuara të Amerikës - tashmë dy vite kemi marrëdhënie të stanguara me SHBA, ndërsa kemi ardhur në një situatë ku nuk jemi anëtarë të organizatave ndërkombëtare", tha Abelard Tahiri. rq/bsh/

Foto: arkivi i MIA-s