Дортмунд, 14 јануари 2025 (МИА) - Поранешниот менаџер на Манчестер Јунајтед, Ерик тен Хаг е фаворит да стане нов тренер на Борусија Дортмунд доколку клубот го отпушти сегашниот тренер Нури Сахин, објави новинарот на „Скај Спортс“, Флоријан Плетенберг.

Тој известува дека Холанѓанецот бил присутен на „Сигнал Идуна Парк“ за време на поразот на Борусија Дортмунд од Баер Леверкузен со 3-2 минатата недела.

Тен Хаг одржува добри односи со советникот на Борусија Дортмунд, Матијас Цимер, а се тврди дека тој би можел да ги преземе „милионерите“ многу брзо, а отказот на Сахин е многу веројатен, особено отако неговиот тим загуби вечерва на гостувањето кај Холштајн Кил (4-2).

Според медиумите во Германија, Нури Сахин веќе целосно ја загубил довербата на управниот одбор на Борусија Дортмунд. дс

Фото: Архива