Париз, 14 јануари 2025 (МИА) - Хвича Кварацхелија потпиша петгодишен договор со Пари Сен Жермен, соопшти познатиот новинар и инсајдер, Фабрицио Романо.

Грузискиот фудбалер по три сезони ќе го напушти Наполи и ќе се пресели во ПСЖ во трансфер вреден околу 70 милиони евра.

ПСЖ во текот на летото се обиде да го доведе 23-годишниот крилен напаѓач како замена за Килијан Мбапе, кој замина во Реал Мадрид.

Кварацхелија постигна вкупно 30 гола на 107 натпревари за Наполи и беше вклучен во освојувањето на титулата во Серија „А“ пред две години.

Сезонава тој постигна пет голови за клубот од Неапол и запиша уште три асистенции. дс

Фото: Принтскрин