Скопје, 29 јануари 2025 (МИА) - Без струја во текот на утрешниот ден ќе останат делови од општините Ѓорче Петров, Карпош, Кисела Вода и Центар, информираат попладнево од Регионалниот центар за управување со кризи - Скопје, повикувајќи се на информации од „ЕВН Македонија“ АД.

Поради планирани зафати на електро-дистрибутивната мрежа, без напојување со електрична енергија, утре од девет до 14 часот, ќе останат корисниците од улиците „Васил Горгов“ и „Јуриј Гагарин“ во општините Центар и Карпош.

Во општина Ѓорче Петров, од девет до 14:30 часот, без струја ќе бидат корисниците од улицата „Сагудати“. Од девет до 15 часот пак, дел од корисниците во Стопански двор - Волково.

Во период од 9:30 до 14 часот, без струја ќе останат корисниците од населбата Усје во општина Кисела Вода. бд/дма/

Фото: МИА архива