Takim i ministrit Durmishit me ambasadoren gjermane Dreksler
- Ministri i Ekonomisë dhe Punës, Besar Durmishi, u takua sot me Ambasadoren e Republikës Federale të Gjermanisë në Maqedoninë e Veriut, Petra Dreksler.
- Post By Arta Bunjaku
- 17:53, 22 July, 2024
![Takim i ministrit Durmishit me ambasadoren gjermane Dreksler](https://mia.mk/images/20240722175331_big_730x400_22.webp )
Shkup, 22 korrik 2024 (MIA) - Ministri i Ekonomisë dhe Punës, Besar Durmishi, u takua sot me Ambasadoren e Republikës Federale të Gjermanisë në Maqedoninë e Veriut, Petra Dreksler.
Siç informoi Ministria, Durmishi në takim theksoi në takim se Gjermania është partneri më i madh tregtar i Maqedonisë së Veriut, e cila ka pjesëmarrje prej rreth 24% në tregtinë e përgjithshme të vendit tonë dhe merr pjesë rreth 40% në tregtinë e përgjithshme me vendet e BE-së.
"Shkëmbimi tregtar është në rritje të vazhdueshme, ndërsa kjo është kështu kryesisht për shkak të investimeve të rëndësishme gjermane që janë mbi 10 dhe punojnë në zonat. Bashkëpunimi dhe afërsia midis dy ekonomive manifestohet edhe përmes investimeve të shumta gjermane në vend", ceket në kumtesë.
Ministri Durmishi theksoi se për 10 vjet investimet e përgjithshme nga Gjermania në Maqedoninë e Veriut arritën në 675 milionë euro, ndërsa vetëm në vitin 2023 janë investuar 108 milionë euro nga kompanitë gjermane në vendin tonë.
"Për ne, si Ministri e Ekonomisë dhe Punës, e cila ka juridiksion mbi kushtet e punës të investitorëve të huaj, është me rëndësi të madhe të punojmë në përmirësimin e klimës së biznesit, në mënyrë që të kemi më shumë investime që do të thotë më shumë punësim dhe më shumë rritje ekonomike. Sa më shumë kompani gjermane të investojnë në Maqedoninë e Veriut, aq më shumë rritet eksporti", tha ministri Durmishi në takimin me ambasadoren gjermane Dreksler.
Në takim, u theksua se Gjermania është partnere dhe mbështetëse e Maqedonisë së Veriut në rrugën drejt anëtarësimit të plotë në BE, përmes mbështetjes për reformat dhe procesin e zhvillimit, ndërsa Procesi i Berlinit si iniciativë ndërqeveritare për bashkëpunim me qëllim të përshpejtimit të procesit të integrimit evropian është tregues i qartë i mbështetjes që marrim nga Gjermania.
Ministri Durmishi shfaqi shpresën se trendi i bashkëpunimit që kemi deri më tani me Gjermaninë do të vazhdojë dhe do të intensifikohet në të gjitha fushat, me qëllimin përfundimtar për të përshpejtuar procesin e hyrjes së Maqedonisë së Veriut në BE. ab/
Fotо: Ministtria e Ekonomisë dhe Punës