Katmandu, 29 shtator 2024 (MIA) - Të paktën 100 persona e kanë humbur jetën në përmbytjet në Nepal, ndërsa 67 persona janë të zhdukur, njoftuan sot mediat lokale.

Rrëshqitjet e dheut dhe përmbytjet e shkaktuara nga reshjet e dendura dyditore në këtë vend të Himalajeve detyruan autoritetet lokale të mbyllin shkollat ​​për tre ditë.

“Përmbytjet kanë paralizuar trafikun dhe aktivitetet e përditshme në Luginën Katmandu, ndërsa tre autostrada, duke përfshirë rrugën kryesore Pritvi që lidh Katmandu me pjesën tjetër të vendit, janë bllokuar nga rrëshqitjet e dheut. Qarkullimi i autobusëve në rrugë është i ndaluar gjatë natës, ndërsa drejtuesit e automjeteve këshillohen të mos dalin në rrugë. Shiu pritet të vazhdojë”, deklaroi zëdhënësi i Ministrisë së Punëve të Brendshme të Nepalit, Rishiram Tiwari.

Pjesë të Katmandu u përmbytën plotësisht, si dhe shumë shtëpi, duke i detyruar banorët të strehohen në katet e fundit të ndërtesave të tyre të banimit, kurse forcat e sigurisë nepaleze janë vënë në gatishmëri. ls/

Foto: Arkivi i MIA-s