2 tetor 2024 (MIA) 

Politiko 

Zyrtarë të lartë të Shtëpisë së Bardhë i kanë thënë privatisht Izraelit se SHBA-ja do të mbështesë vendimin e saj për të rritur presionin ushtarak ndaj Hezbollahut, edhe pse administrata e Bajdenit i ka bërë thirrje publikisht qeverisë izraelite në javët e fundit që të zvogëlojë sulmet e saj, thonë zyrtarët amerikanë dhe izraelitë. 

Këshilltarët presidencialë Amos Hohshtajn dhe Bret Mekgurk, koordinatorët e Shtëpisë së Bardhë për Lindjen e Mesme, u kanë thënë zyrtarëve të lartë izraelitë në javët e fundit se SHBA-ja mbështet strategjinë e përgjithshme të kryeministrit izraelit Benjamin Netanjahu për të zhvendosur fokusin ushtarak të Izraelit në veri drejt Hezbollahut, me synimin për të detyruar grupin për t'u angazhuar në bisedime diplomatike që synojnë përfundimin e konfliktit, deklarojnë për “Politiko”, persona zyrtarë. 

Jo të gjithë në Shtëpinë e Bardhë ishin dakord me këtë ide 

Jo të gjithë në administratë e mbështetën këtë hap të Izraelit, pavarësisht mbështetjes së dhënë në Shtëpinë e Bardhë, thanë personat zyrtarë. Vendimi për t'u fokusuar te Hezbollahu e ndau qeverinë amerikane, duke u përballur me kundërshtimin e Pentagonit, Departamentit të Shtetit dhe komunitetit të inteligjencës, të cilët mendonin se lëvizja e tillë izraelite kundër milicisë iraniane mund t'i tërheqë forcat amerikane në një konflikt tjetër në Lindjen e Mesme. 

“Politiko” foli me dy zyrtarë izraelitë dhe katër amerikanë, shumica e të cilëve kërkuan anonimitetin për të folur lirshëm për bisedimet e ndjeshme diplomatike. Këshilli i Sigurisë Kombëtare i SHBA-së nuk pranoi të komentojë. 

Deni Danon, ambasadori i Izraelit në Kombet e Bashkuara, më parë kishte refuzuar të komentonte mbi bisedat private midis udhëheqësve izraelitë dhe zyrtarëve amerikanë kur u pyet për bisedimet midis Hosshtajnit dhe të tjerëve. 

"Ne nuk kërkojmë gjithmonë leje për çdo gjë që bëjmë," tha ai për të dy vendet, duke shtuar: "Unë mendoj se ajo që ata thonë pasqyron publikisht qëllimin që ata duan të arrijnë, që është një zgjidhje diplomatike, të cilën ne nuk e kundërshtojmë. ". 

Ndarja e konflikteve 

Në mesin e shtatorit, zyrtarët izraelitë thanë se ushtria e tyre po përgatitej për këtë ndryshim, por nuk dhanë detaje. Hohshtajn dhe Mekgurk u përcollën homologëve të tyre izraelitë se ndërsa ata ende bënin thirrje për një qasje të kujdesshme, momenti mund të jetë i favorshëm për një lëvizje të tillë, veçanërisht pasi Hezbollahu është dobësuar ndjeshëm në muajt e fundit.

 
Hezbollahu ka pohuar prej kohësh se do të hynte në negociata me Izraelin vetëm nëse arrin një armëpushim me Hamasin, të cilin po e lufton në Gazë. Por vlerësimet e SHBA-së kanë treguar se Hamasi nuk ka gjasa të pajtohet me një armëpushim në atë pikë. Kjo do të thoshte se tani mund të jetë koha për t'u përqëndruar tek Hezbollahu dhe për të ndarë dy konfliktet. 

Ky konflikt i fundit me Hezbollahun filloi një ditë pas 7 tetorit, kur grupi filloi të lëshonte raketa nga Libani në Izrael, duke detyruar përfundimisht dhjetëra mijëra civilë të largoheshin nga zona nga të dyja anët. Më 7 tetor, Hamasi nisi luftën e tij kundër Izraelit nga Gaza. 

"SHBA-ja ndoshta dëshiron diplomaci dhe mbështet sulme më të forta izraelite kundër Hezbollahut" 

Zyrtarët amerikanë nuk dinin shumë për atë që Izraeli po planifikonte, por ndërsa ata mbështetën presionin e Izraelit ndaj Hezbollahut, ata paralajmëruan kundër kujdesit. Ata paralajmëruan se nëse Izraeli tejkalon, mund të rrezikojë përshkallëzimin e situatës në një luftë rajonale gjithëpërfshirëse, diçka që administrata është përpjekur ta shmangë për gati një vit. Ata gjithashtu theksuan se mënyra e vetme për t'i dhënë fund konfliktit është përmes një marrëveshjeje diplomatike. 

Zyrtarët e komunitetit të inteligjencës, në informimet dhe bisedat me anëtarët e Kongresit javën e kaluar, thanë se ishin më të shqetësuar për mundësinë e një konfrontimi të drejtpërdrejtë tokësor midis Izraelit dhe Hezbollahut. Bisedime të ngjashme pati edhe në Departamentin e Shtetit, ku zyrtarët ishin të shqetësuar për rritjen e numrit të viktimave civile në Liban. 

Disa në administratë thonë se ajo që duket të jetë mosmarrëveshje është në fakt qasja amerikane ndaj konfliktit. 

"Të dyja situatat mund të jenë të vërteta – SHBA-ja mund të dëshirojë diplomaci dhe të mbështesë qëllimet më të mëdha të Izraelit kundër Hezbollahut," tha një zyrtar i lartë amerikan. “Është e qartë se administrata është e kujdesshme të mos kalojë vijën, thjesht nuk është e qartë se ku është vija”. 

SHBA-ja thotë publikisht një gjë, por prapa skenave në fakt mbështet diçka tjetër 

Në prapaskenë, Hosshtajn, Mekgurk dhe zyrtarë të tjerë të lartë të sigurisë kombëtare të SHBA-së i përshkruan operacionet e Izraelit në Liban si një moment historik që do të formësojë Lindjen e Mesme për mirë në vitet e ardhshme. 

Mendimi është si më poshtë, shkruan Politiko: Izraeli shkatërroi majën e strukturës komanduese të Hezbollahut në Liban, duke minuar rëndë aftësitë e grupit dhe duke dobësuar Iranin, i cili përdor Hezbollahun si një mjet projeksioni. 

Ndarjet e brendshme brenda administratës duket se janë zhdukur disi ditët e fundit dhe zyrtarë të lartë amerikanë u takuan me Presidentin Xho Bajden  në Shtëpinë e Bardhë dy ditë më parë për të diskutuar situatën në terren. Shumica ranë dakord se konflikti, megjithëse i ndjeshëm, mund të ofrojë një mundësi për të reduktuar ndikimin iranian në Liban dhe në rajon. 

Megjithatë, Shtëpia e Bardhë po ecën në një vijë shumë të hollë, thanë zyrtarët amerikanë dhe izraelitë. Administrata Biden dëshiron të mbështesë veprimet izraelite kundër grupit, të cilin Shtetet e Bashkuara e kanë cilësuar një grup terrorist që ka vrarë amerikanë dhe kërcënon rajonin. Por ajo nuk ndihet rehat të mbështesë plotësisht fushatën e Izraelit ose ta bëjë këtë publikisht, nga frika se një gjë e tillë do të shkelte shumë territorin libanez, duke shkaktuar një luftë të plotë, tha një zyrtar amerikan. 

Mesazhi publik i administratës për Izraelin vazhdon të jetë: shmangni përshkallëzimin dhe vazhdoni negociatat diplomatike me Hezbollahun, veçanërisht me propozimin amerikano-francez të vitit të kaluar për një armëpushim 21-ditor. 

Kjo meyazh ishte pavarësisht zhvillimit të operacionit izraelit. Ato përfshinin sulme ndaj mijëra operativëve të Hezbollahut duke përdorur pejxhera shpërthyes dhe rradiomarrëse, si dhe shkatërrimin e komandës së lartë të Hezbollahut, duke përfshirë një sulm që vrau liderin Hasan Nasrallah. 

Sekretari i Shtetit, Antoni Bilken i kërkoi Izraelit dhe Hezbollahut të pranonin armëpushimin, megjithëse ai, si Bajdeni dhe të tjerët, ishte i kënaqur që Nasrallah kishte vdekur. 
Bisedimet për armëpushimin ngecën, Izraeli vazhdon të sulmojë pozicionet e Hezbollahut 

“Lidhur me Libanin, cila është zgjidhja më e mirë për të arritur qëllimin e krijimit të një mjedisi në veri të Izraelit që do t'i lejojë njerëzit të kthehen në shtëpitë e tyre? Siç thashë, ne besojmë se rruga diplomatike është më e mira”, tha ai pas lajmit për vdekjen e Nasrallahut. 

Kur Bajden u pyet në një konferencë për shtyp dy ditë më parë nëse ai ishte i kënaqur me ndërhyrjen tokësore të synuar izraelite në Liban, presidenti tha: "Jam i kënaqur sepse ata ndaluan. Tani na duhet një armëpushim”. 

Megjithatë, negociatat për një armëpushim të propozuar 21-ditor të shpallur nga SHBA-ja javën e kaluar kanë ngecur, tha një zyrtar amerikan, pasi Izraeli vazhdon të sulmojë pozicionet e Hezbollahut përtej kufirit në Liban. 

Situata u përkeqësua më tej kur forcat speciale izraelite kaluan kufirin, duke synuar rrjetin e tuneleve të Hezbollahut dhe qendrat e tjera komanduese, tha një zyrtar tjetër amerikan për “Politiko”. 
Izraelitët kishin planifikuar të fillonin një pushtim shumë më të madh tokësor të Libanit këtë javë, por zyrtarët e Bajdenit i bindën ata të tërhiqeshin, duke i kërkuar Izraelit të ishte më selektiv në kryerjen e operacioneve të tij.