Shkup, 3 tetor 2024 (MIA) - Së paku dhjetë destinacione të reja përmes dy aeroporteve, në Shkup dhe në Ohër, si dhe cikël të fuqishëm investues në hekurudhë, paralajmëroi sot zëvendëskryeministri dhe ministër i Transportit, Aleksandar Nikollovski.

Nikollovski në konferencë për shtyp theksoi se në vend do të ketë hyrje edhe për kompani të reja ajrore, ndërkaq lidhur me hekurudhën, se faza e parë e projektit "treni i qytetit" pritet të realizohet deri në tetor të vitit të ardhshëm.

"Për mua, hekurudha është e ardhmja. Gjendja që e trashëguam ishte katastrofike. Nuk kishte asnjë lokomitivë që mund të funksionojë, kishte zero lokomitiva, vetëm nëntë kompozicione qëndronin në hekurudhat e vendit. Tani kemi shtatë lokomotiva në dispozicion, po aftësohet e teta. Dëshiroj të ndaj vetëm një informatë, se në gusht gjithsej nëpër binarët e vendit kaluan 31 trena transportues, ndërsa vetëm javën e fundit 70 trena transportues. Planifikojmë cikle të fuqishme investuese vitin e ardhshëm, si dhe rikonstruim të hekurudhës nga Tabanoci deri në Gjevgjeli", tha Nikollovski me rastin e punës në 100 ditët e para.

Nga e hëna ministri tha se do të kumtojë së paku dhjetë destinacione tër eja përmes dy aeroporteve.

"Kjo do të thotë 200 000 më shumë udhëtarë vitin e ardhshëm. Do të ketë edhe kompani të reja edhe destinacione të reja", tha Nikollovski.

Ai paralajmëroi edhe rikonstruim të ndërtesës terminale të Aeroportit të Ohrit. ab/

foto: МIА arkivi dhe printskrin