Bruksel, 18 tetor 2024 (MIA) – Në Bruksel sot vazhdon takimi dyditor i ministrave të Mbrojtjes të vendeve anëtare të NATO-s, në të cilin merr pjesë edhe ministri i Maqedonisë i këtij dikasteri, Vllado Misajllovski.

Në vazhdimin e sotëm të takimit të ministrave është paraparë mbajtja e mbledhjes së Këshillit Veriatlantik në nivel të ministrave të mbrojtjes, në të cilin do të flitet për fuqizimin e mbrojtjes dhe rezistencës së NATO-s, për shpenzimet e mbrojtjes dhe për situatën në Ballkanin Perëndimor. 

Dje, në ditën e parë të takimit, u mbajt takim ministror i anëtarëve që kontribuojnë në forcimin e Koalicionit Global për të mposhtur grupin e Shtetit Islamik (D-ISIS), si dhe një takim i ministrave të Mbrojtjes së NATO-s me homologët e vendeve partnere nga rajoni Azi-Paqësor - Australia, Japonia, Koreja e Jugut dhe Zelanda e Re, ku diskutuan për thellimin e bashkëpunimit në disa fusha, kryesisht në sferën e inovacionit, prodhimit industrial dhe luftës kundër kërcënimeve hibride dhe sulmeve kibernetike.  Gjithashtu, në formën e një darke pune u mbajt një takim i Këshillit të Bashkëpunimit NATO-Ukrainë, ku morën pjesë presidenti ukrainas Volodomir Zelenski dhe ministri i Mbrojtjes, Rustem Umerov.

Në konferencën e përbashkët për media me sekretarin e përgjithshëm të NATO-s, Mark Rute para mbajtjes së Këshillit për Bashkëpunim, Zelenski porositi se dërgesa e ftesës Ukrainës për përfshirje në Aleancë, do ta fuqizojë vendin politikisht dhe ajo që është edhe më e rëndësishme, do ta sjellë në paqe reale dhe të drejtë. 

“Ukraina arriti diçka që deri para pak kohë dukej e pamundur – arriti ta ndalë sulmin masiv rus dhe të mbrohet nga pushtimi. Mbetëm të bashkuar dhe e fuqizuam aftësinë tonë të mbrojtjes”, theksoi Zelenski.

Ai u falënderua për mbështetjen e ofruar deri më tani për vendin e tij, nga i cili, siç tha, varen jetët e ushtarëve ukrainas në teren, duke theksuar se bashkë me partnerët e saj, Ukraina e di si t’i arrijë qëllimet e saja. 

Sipas Zelenskit, Ukraina një ditë dëshiron të bëhet anëtare e NATO-s dhe duhet të bëhet çmos që të ndodhë kjo, sepse do të ishte e gabuar që vendi të lihet jashtë Aleancës ku edhe e ka vendin. 

“Për këtë një nga pikat kryesore në Planin e fitores është ftesa për anëtarësim në NATO. Ne ukrainasit treguam se mundemi të mbrohemi, të ndajmë vlera dhe të kundërshtojmë Rusinë – kërcënimin më të madh për Evropën dhe paqen globale”, tha Zelenski. 

Rute, nga ana e tij, theksoi se me padurim e pret ditën kur Ukraina do të bëhet anëtare e NATO-s, ndërsa deri atëherë Aleanca do të bëjë gjithçka që është në forcën e saj që në gjithë vendin të mbizotërojë në terrenin, që, sipas tij, është me rëndësi vitale për sigurinë e përbashkët. 

“NATO po punon me Ukrainën, duke e afruar atë me Aleancën, por ne po punojmë edhe me partnerët tanë të tjerë për të forcuar sigurinë e të gjithëve neve”, shtoi Rute, duke kujtuar se sot ministrat zhvilluan një takim të përbashkët me kolegët nga Azia- Rajoni i Paqësorit - Australia, Japonia, Koreja e Jugut dhe Zelanda e Re dhe me përfaqësues të BE-së të angazhuar për forcimin e bashkëpunimit në përpjekjet e përbashkëta të mbrojtjes.

Sipas tij, lufta në Ukrainë tregoi se paqëndrueshmëria në Evropë, ka pasoja me ndikim të gjerë në mbarë botën dhe se vende të cilat janë mijëra kilometra larg, si Irani, Kina, madje edhe Koreja e Veriut mund të jenë “minues të sigurisë në oborrin tonë”.

"Prandaj ne duhet të bëjmë një vlerësim të qartë të sfidave me të cilat përballemi dhe të punojmë me partnerët tanë për t'u përballur me ato sfida dhe për të mbrojtur vlerat tona të përbashkëta", theksoi Rute, duke shtuar se për këto arsye, si partnerët e BE-së dhe NATO-s nga Azia. -Rajoni i Paqësorit mbështet Ukrainën, mbrojtjen e demokracisë dhe ndërtimin e një bote të bazuar në sundimin e ligjit, jo sundimin e forcës.

Rute porositi edhe se NATO do të vazhdojë ta mbështesë Ukrainën aq gjatë sa do të jetë e nevojshme, që është porosi edhe për presidentin rus Vladimir Putin se mbështetja për vendin do të zgjasë derisa nuk krijohen kushte për bisedime paqësore me Rusinë. 

“Mund të jeni absolutisht të sigurt se të gjithë 32 aleatët janë të bashkuar në qëndrimin se bashkë do të bëjnë çmos, Ukraina të mbizotërojë në teren dhe Putini të mos e fitojë atë që e dëshiron”, theksoi Rute. 

Më herët, me të mbërritur në takimin ministror, ​​Rute theksoi se duhet të jemi të vetëdijshëm për situatën në Ballkanin Perëndimor, në kushtet kur dialogu Prishtinë - Beograd, i cili zhvillohet me ndërmjetësimin e BE-së, nuk po ecën siç do të donim dhe kur ka tendenca secesioniste për ndarje të Bosnjë-Hercegovinës, duke shtuar se pikërisht për këtë Aleanca do të bëjë gjithçka dhe shpreh mbështetjen e saj për rajonin.

Ai theksoi edhe se të gjithë janë të vetëdijshëm se mjetet që tani i shpenzojnë vendet anëtare të NATO-s për mbrojtje nuk janë të mjaftueshme dhe paralajmëroi se gjatë mbledhjes së sotme të Këshillit Veriatlantik, por edhe në mbledhjet e ardhshme të aleatëve, do të bisedohet edhe për rritjen e shpenzimeve të mbrojtjes. 

“Të gjithë e dimë se nëse dëshirojmë të jemi të përgatitur, duhet t’i rrisni mjetet dhe shpenzimet (për mbrojtje)”, theksoi Rute. 

Sekretari amerikan i Mbrojtjes, Llojd Ostin porositi se fokusi i NATO-s është i drejtuar drejt mbrojtjes së territorit dhe se njerëzit e çdo vendi të Paktit dhe për atë qëllim të gjithë aleatët duhet të punojnë bashkë në fuqizimin e mbrojtjes dhe parandalimit. 

“Mjedisi strategjik i sotëm është shumë i ndryshëm nga ai i vitit 2014 (kur u formua D-ISIS). SHI mbeti i fokusuar tek ne, por ballafaqimi me kërcënimin e paraqitur nga SHI dhe grupet e tjera terroriste tani është vetëm një nga sfidat tona strategjike, mes tyre kryesore ngacmimi nga Republika Popullore e Kinës dhe pushtimi i pamatur i Rusisë në Ukrainë”, tha Ostin.

Megjithatë, sipas tij, edhe krahas rrethanave të ndryshuara nga fokusi nuk guxon të lihet jashtë rreziku të cilin ende e përfaqëson SHI, prandaj duhet të vazhdojnë përpjekjet e koordinuara për përballje me këtë grup terrorist kudo që paraqitet në botë.  

Ostin theksoi edhe se nga lufta kundër SHI dhe ideologjitë që sollën krijimin e tij, bota mësoi tre mësime, prej të cilëve tre janë kyçe për përballje me terrorizmin – se duhet të jesh mendjemprehtë dhe i vendosur, se forca më e madhe vjen nga marrëveshja kolektive e kërcënimeve dhe se është e nevojshme përshtatja e strategjive luftarake. fc/

Fotografia: Arkivi i MIA-s