Женева, 28 декември 2024 (МИА) - Светската здравствена организација (СЗО) денеска соопшти дека болницата Камал Адван, последната голема здравствена установа во северниот дел на Газа, што беше надвор од употреба поради израелските напади, „сега е празна“.

„Камал Адван сега е празен. Синоќа, преостанатите 15 критични пациенти, 50 негуватели и 20 здравствени работници се префрлени во индонезиска болница, во која нема потребна опрема и материјали за да соодветна нега“, се вели во соопштението.

СЗО изрази револт поради израелскиот напад врз болницата и губењето контакт со директорот на здравствената установа.

Војната во Појасот Газа започна на 7 октомври 2023 година со напад на членовите на палестинското движење Хамас на израелска територија. зш/