Shkup, 21 nëntor 2024 (MIA) - Një grua ka humbur jetën sot në Çair të Shkupit, pasi një automjet i tipit "Seat altea" drejtuar nga një 19-vjeçare e ka goditur atë.

Siç informon MPB-ja, sot në orën 18:43 në SPB Shkup është raportuar se në bulevardin H.T. Karposh në Shkup, një automjet "Seat altea" më targa të Shkupit drejtuar nga A.XH (19) nga Shkupi ka goditur një grua e cila ka ndërruar jetë në vendin e ngjarjes.

A.Xh me autoambulancë është dërguar në Spitalin e përgjithshëm të qytetit “8 Shtatori”.

Po kryhet mbikëqyrje në vendin e ngjarjes.

FOTO: arkivi i MIA-s