Në Ambasadën e Maqedonisë së Veriut në Bruksel është hapur libër ngushëllimi për tragjedinë në Koçan
- – Në Ambasadën e Republikës së Maqedonisë së Veriut në Belgjikë deri të premten do të jetë i hapur libri i ngushëllimeve për viktimat në zjarrin tragjik në klubin e natës në Koçan të dielën.
- Post By Fitore Curri
- 09:49, 18 March, 2025

Bruksel, 18 mars 2025 (MIA) – Në Ambasadën e Republikës së Maqedonisë së Veriut në Belgjikë deri të premten do të jetë i hapur libri i ngushëllimeve për viktimat në zjarrin tragjik në klubin e natës në Koçan të dielën.
“Lidhur me ngjarjen tragjike në Koçan në të cilën jetën e humbën një numër i madh, para së gjithash, të rinj, njoftojmë se në Ambasadë është hapur libri për ngushëllime në të cilin mund të shprehni ngushëllime dhe të lini porosinë tuaj”, informoi ambasadori i Maqedonisë së Veriut në Belgjikë, Metodia Toshevski.
Qytetarët e interesuar do të mund të shprehin ngushëllime në libër çdo ditë prej orës 10 deri në orën 12 dhe prej 13:30 deri 15:30, përveç të premten, kur libri do të jetë i hapur prej orës 10:00 deri në orën 12:00. fc/
Fotografia: Fejsbuk