Shkup, 8 prill 2026 (MIA) - Sot në hotelin Hilton u mbajt dreka e Pashkëve, e organizuar nga kryeministri Hristijan Mickoski, në të cilën morën pjesë, ndër të tjerë, presidentja Gordana Siljanovska Davkova, kreu i KOM-AO-së, Kryepeshkopi Stefan, kreu i BFI-së, Shaqir Fetai, ministra qeveritarë, deputetë, kryetarë komunash dhe përfaqësues të mediave.

"Sot, në frymën e festës së madhe krishtere Pashkët, organizova një drekë solemne për Pashkë, të mbushur me ngrohtësi, bashkim dhe respekt për traditën. Ky ngjarje e rëndësishme bashkoi përfaqësuesit e institucioneve dhe jetës shoqërore në një festë të përbashkët të vlerave që sjellin Pashkët – shpresën, dashurinë, faljen dhe një fillim të ri. Në një atmosferë të mirëkuptimit dhe respektit të ndërsjellë, u përcoll një mesazh i fuqishëm për unitet, solidaritet dhe kujdes të përbashkët për të mirën e të gjithëve," publikoi Mickoski në Fejsbuk.

Kryeministri theksoi se Pashkët na kujtojnë se nëpërmjet unitetit dhe njerëzimit mund t’i kapërcejmë të gjitha sfidat dhe të ndërtojmë një të ardhme më të mirë për vendin tonë.

"Me këtë ceremoni, u konfirmua edhe një herë vendosmëria për të kultivuar traditën dhe për të forcuar vlerat e përbashkëta që na lidhin si popull", theksoi Mickoski.

Presidentja Gordana Siljanovska Davkova theksoi se Mickoski i bashkoi ata në një drekë të Pashkëve, duke manifestuar një ndjenjë paqeje dhe mirëkuptimi, si dhe besim dhe vendosmëri për bashkim dhe bashkëjetesë.

“Në një frymë të krishterë, Kryeministri Hristijan Mickoski na mblodhi për një drekë të Pashkëve, duke manifestuar një ndjenjë paqeje dhe mirëkuptimi, si dhe besim dhe vendosmëri për unitet dhe bashkëjetesë, pavarësisht përkatësisë", publikoi presidentja në Fejsbuk.

Kryetari i Kuvendit, Afrim Gashi gjithashtu në Fejsbuk theksoi se kjo ngjarje konstruktive ishte një mundësi për përforcim të bashkëpunimit institucional, në frymën e respektit të ndërsjellë dhe vlerave që na bashkojnë.

Pata kënaqësinë që, me ftesë të Kryeministrit, Hristijan Mickoski, të marr pjesë në drekën tradicionale me rastin e festës së Pashkëve. Kjo ngjarje konstruktive ishte një mundësi për përforcim të bashkëpunimit institucional, në frymën e respektit të ndërsjellë dhe vlerave që na bashkojnë. Urova që kjo festë të sjellë paqe, shëndet dhe mirëkuptim për të gjithë qytetarët", theksoi Gashi.

Kryetari i Qytetit të Shkupit, Orce Gjorgjievski, publikoi se në frymën e festës, kjo ngjarje me një tryezë të përbashkët ishte simbol i bashkimit, respektit dhe vlerave të krishtera që na bashkojnë si popull.

Kryetari i Qytetit uroi që  këto ditë festive të sjellin paqe në shpirt, dashuri në zemra dhe forcë për vepra të reja të mira. ls/

Foto: FB Hristijan Mickoski, Gordana Siljanovska Davkova, Afrim Gashi, Orce Gjorgjievski