Lisbonë, 6 nëntor 2024 (MIA) - Trajneri i Mançester Sitit, Pep Guardiola ka folur rreth disfatës së mbrëmshme ndaj Sportingut (1:4) në kuadër të xhiros së 4-të të Ligës së kampionëve.

"Është vështirë të shpjegohet se çfarë ndodhi. Filluam mirë, kishim një pjesë të parë shumë të mirë. Por në futboll duhet të shënosh gola. Nuk duhet të ankohemi. Kundërshtari fitoi me meritë", ka thënë Guardiola për faqen e UEFA-s.

Pas katër ndeshjeve në garën elitare të futbollit, Mançester Siti është në vendin e 6-të të renditjes me 7 pikë. Më 27 nëntor skuadra e Guardiolës do të luajë kundër Fejenordit.

Sportingu është i dyti me 10 pikë.

Foto: EPA