Shkup, 31 mars 2025 (MIA) - Deri më tani nuk ka asnjë komunikim përmes Sistemit për njoftim të shpejtë të BE-së për ushqime të pasigurta dhe ushqim për kafshë (RASSF) se në tregun e Maqedonisë ka supa të pasigurta, njoftoi Agjencia për Ushqim dhe Veterinari (AUV).

AUV, siç bën me dije, është duke monitoruar situatën me tërheqjen e supave në Gjermani dhe nëse njoftohet përmes këtij sistemi, do të marrë masa në kohë për tërheqje të mundshme të produkteve.

"Deri më sot, Agjencia për Ushqim dhe Veterinari nuk ka marrë asnjë njoftim përmes Sistemit të njoftimit të shpejtë të BE-së për ushqime të pasigurta dhe ushqimeve për kafshë (RASSF) se në tregun e Maqedonisë janë vendosur supa të pasigurta", thekson AUV.

Ditën e djeshme disa media raportuan se Gjermania i  tërheq disa seri me supa të gatshme të një brendi të njohur për shkak të mundësisë së pranisë së pjesëve metalike. mb/

Foto: MIA