Дебар, 23 јануари 2025 (МИА) - За началник на Криминалистичка полиција во дебарското одделение за внатрешни работи назначен е Флориан Алајбегу од Дебар, кој во Министерството за внатрешни работи е од 2008 година.

Алајбегу е дипломиран правник, магистер на правни науки-казнено право, со положен правосуден испит, кој во 17- годишната ангажираност  покажал професионалност, успешност, чесност и одлучност во извршувањето на работните задачи.

Во неговото досегашно работење, меѓу другото бил и заменик командир во Полициската станица од општа надлежност-Дебар, како и Виш Инспектор за општ криминалитет во надворешна канцеларија за криминалистички работи-Дебар.

Флориан Алајбегу исто така посетувал и многу обуки, работилници и програми организирани од ОБСЕ мисијата во Скопје, БЈБ при МВР и Европската унија.

Тој потекнува од познато дебарско семејство чиј татко Малиќ Алајбегу беше успешен директор на поранешниот ученички дом, кого учениците, поради неговиот однос и грижа, повеќе го чувствуваа како родител. вт/сст/

Фото: МИА