Скопје, 5 јануари 2025 (МИА) -Утрово најниска температура во земјава од -11 степени Целзиусови е измерена на Попова Шапка, соопшти УХМР.

Следат Берово со -7 степени, -6 Крива Паланка, Штип, Демир Капија, -5 Кавадарци, Маврови Анови, -4 Скопје-Зајчев Рид, Битола, Крушево, -3 Струмица, Тетово, Прилеп, Виница, -3 Велес, -1 Претор, 2 Охрид и 3 степени во Гевгелија.

Висината на снежната покривка измерена во 7 часот изнесува 52 см на Попова Шапка и 44 см во Маврови Анови.

Утрото е студено со наместа ниска облачност. Преку денот сончево со мала до умерена локална облачност. Ќе дува слаб до умерен ветер од јужен правец. Максималната температура ќе достигне од 5 до 12 степени.

Во Скопје утрото студено, преку денот сончево и претежно тивко со мала до умерена облачност. Максималната температура ќе достигне до 6 степени. вг/

Фото: МИА Архива