Беек, 8 октомври 2023 (МИА) - Македонската каратистка Камелија Недев освои бронзен медал во џиу ипон кимите во категорија за деца од 11-12 години на ЈКА Европскиот Куп во Беек, Холандија. 

- Камелија исто така настапи во дисциплината кати каде беше грубо оштетена од домашните судии, таа беше за неколку класи подобра од својата противничка но за жал домашниот терен во Холандија си го направи своето, информираат од Македонската традиционална карате федерација.

Втората македонска натпреварувачка на Европскиот куп, Софија Јарчевска освои петто место во џиу ипон кумите за деца. 

На купот учествуваа 265 каратисти од 12 европски земји. зс/