Вашингтон, 30 јануари 2025 (МИА)  -   Американскиот претседател Доналд Трамп денеска ги обвини политиките за различности во времето на Барак Обама и Џо Бајден за лошите безбедносни стандарди по несреќата во која воен хеликоптер се судри со патнички авион над Вашингтон.

„Ја ставам безбедноста на прво место. Обама, Бајден и демократите ја ставаа политиката на прво место“, рече Трамп.
„Тие всушност излегоа со директива: „премногу бело“. А, ние сакаме луѓе кои се компетентни“.

  Трамп потврди дека нема преживеани во вчерашниот судар на патнички авион и воен хеликоптер над Вашингтон.

Претходно денеска, шефот на противпожарната служба во главниот град на САД изјави дека сите 67 лица кои се наоѓале во двете летала - 64 во авионот и тројца во хеликоптерот - се претпоставува дека се мртви.

Причината за несреќата се уште не е утврдена, но истражителите сугерираат дека трагедијата можела да се спречи. зш/