Руски хеликоптер со 22 лица исчезна на Камчатка
- Хеликоптер со тричлен екипаж и 19 патници исчезна на источниот руски полуостров Камчатка, соопшти Федералната агенција за воздушен транспорт на Русија.
- Post By Сашо Арсовски
- 10:20, 31 August, 2024
![Руски хеликоптер со 22 лица исчезна на Камчатка](https://mia.mk/images/20240831095638_big_730x400_4.webp )
Москва, 31 август 2024 (МИА) - Хеликоптер со тричлен екипаж и 19 патници исчезна на источниот руски полуостров Камчатка, соопшти Федералната агенција за воздушен транспорт на Русија.
Хеликоптерот Ми-8Т полетал од база во близина на вулканот Вачкажец, но потоа изгубил контакт.
- Во тек е операција за пребарување и спасување, чија цел е да се утврди локацијата на леталото, објави меѓурегионалното одделение за сообраќај на Истражниот комитет на Русија на својот профил на Телеграм, пренесува ТАСС.
Надлежните почнале истрага за нарушување на безбедноста и работењето на воздушниот транспорт.са/
Фото: принтскрин