Руски воени бродови влегоа во водите на Хавана како дел од рутинска посета
- Руски воени бродови денеска по втор пат за два месеци запловија во водите на кубанската престолнина Хавана, во, како што ја нарекуваат кубанските власти рутинска посета.
- Post By Јасмина Тасевска
- 18:20, 27 July, 2024
![Руски воени бродови влегоа во водите на Хавана како дел од рутинска посета](https://mia.mk/images/20240727182029_big_730x400_51.webp )
Хавана, 27 јули 2024 (МИА) – Руски воени бродови денеска по втор пат за два месеци запловија во водите на кубанската престолнина Хавана, во, како што ја нарекуваат кубанските власти рутинска посета.
Во знак на добредојде беа пречекани со почесен оган, а руските бродови од Балтичката флота, патролниот брод „Неустрашими“, тренинг бродот „Смољни“ и помошни бродови ќе останат во кубанските води до вторник. За време на посетата руските морнари ќе учествуваат на различни настани.
Руските воени претставници ќе се сретнат со шефот на кубанската морнарица и со властите во Хавана. Локалните жители утре и задутре ќе можат да го посетат „Смољни“.
Руската нуклеарна подморница и бродови последен пат беа во пристаништето Хавана во јуни.
Фото: Х