• Saturday, 22 February 2025

Рам Емануал: Трамп ги реализира заветните желби на Сталин

Рам Емануал: Трамп ги реализира заветните желби на Сталин

Вашингтон, 20 февруари 2025 (МИА) - Со својата политика кон Украина, претседателот на САД, Доналд Трамп ги остварува соништата на советскиот диктатор Сталин, изјави Рам Емануел, поранешен американски амбасадор во Јапонија.

„Да се подели НАТО и да се наруши атлантската алијанса ...Уште од времето на Русија под Јосиф Сталин, тоа беше единствената цел (на Москва), а американскиот претседател ја остварува таа заветната желба на Сталин, рече Емануел, пренесе изданието Хил.

Според него, актуелната американска администрација ги остварува  „сите цели на руската надворешна политика“, вклучително и со тоа што прифаќа билатерални преговори со Москва.

Тој им порача на европските елидери да испратат свои преговарачи бидејќи на САД им треба „надзор од возрасни“.

-Да бев европеец, ќе речев: ‘Одлично, одиме. Да седнеме на преговарачката маса’. Бидејќи тимот на Соединетите Држави има потреба од надзор од возрасни, истакна поранешниот американски дипломат. кб/