Сиднеј, 4 јануари 2025 (МИА) - Полска го победи Казахстан во полуфиналето на екипниот тениски турнир на Јунајтед куп.

Во првиот меч од пресметката, Хуберт Хуркач го совлада Александар Шевченко (6:3, 6:2). Потоа Ига Швјонтек ја победи Елена Рибакина (7:6 (7:5), 6:4).

Во игра на двојките Маја Чвалинска и Јан Зиелински беа поуспешни од Жибек Куламбаева и Александар Шевченко (6:4, 6:1).

Полска втора година по ред се пласира во финалето на ова натпреварување. Во 2024 година, полскиот тим загуби од Германија (1-2). 

Оваа година во решавачката фаза на турнирот Полска ќе игра со подобриот од пресметката Чешка - САД. зс/

Фото: ЕПА