Тетово, 11 јуни 2025 (МИА) - Општина Тетово денеска објави јавен повик на кој ќе може да се пријават социјално загрозени лица од општината со цел да добијат еднократна финансиска помош (ваучери) кои ќе можат да ги искористат за плаќање на општинските комунални сметки или данок на имот.

Јавниот повик ќе биде отворен до 30 јуни 2025, а аплицирањето се врши со поднесување на барање на шалтерите на Општина Тетово. Формуларите се достапни електронски на официјалната веб-страна на Општина Тетово, како и во писмена форма во просториите на општината.

-Преку овој повик Општина Тетово ќе додели 1 000 долари во вредност од 3 000 денари, по принципот „Прв дојден, прв услужен“. Оваа одлука е дел од нашата заложба за изградба на поправедна, поеднаква и по социјална општина, каде институциите не му свртуваат грб на граѓанинот, туку се во негова служба на секој чекор. Ваучери ќе можат да се користат исклучиво за подмирување на обврските кон Општина Тетово како данокот на имот, како и за плаќање на услугите кон јавните комунални претпријатија Шар и Саубермахер. Право на користење на оваа помош имаат корисници на гарантирана минимална помош како и пензионери кои примаат социјална пензија, истакна тетовскиот градоначалник Биљал Касами на денешната прес-конференција.

Ги повика сите граѓани кои ги исполнуваат условите да аплицираат во предвидениот рок и да ја искористат оваа помош која, како што рече, има за цел да го олесни секојдневието во овие тешки економски услови, рече Касами.

Тој најави дека оценувањето на барањето ќе го врши професионална комисија формирана специјално за оваа намена составена од претставници од општинската администрација.ас/фф/

Фото: МИА Архива