Од утре чести поројни дождови, со силен ветер и град
- УХМР најавува дека во текот на следната недела, претежно во попладневните часови, ќе има почеста појава на пороен дожд и грмежи. Локално процесите ќе бидат во форма на невреме со интензивен пороен дожд, силен ветер и град.
- Post By Мирјана Чакарова
- 14:33, 23 June, 2024
![Од утре чести поројни дождови, со силен ветер и град](https://mia.mk/images/20240623143336_big_730x400_55.webp )
Скопје, 23 јуни 2024 (МИА) - УХМР најавува дека во текот на следната недела, претежно во попладневните часови, ќе има почеста појава на пороен дожд и грмежи. Локално процесите ќе бидат во форма на невреме со интензивен пороен дожд, силен ветер и град.
Следните денови и понатаму ќе биде топло, но со постепено опаѓање на дневната температура.
Утре времето ќе биде сончево и многу топло со мала до умерена облачност. Попладне ќе има локална појава на пороен дожд и грмежи, претежно во западните делови од земјата ќе има и наместа подолготраен дожд со засилен ветер и грмежи. УВ=8. Во Скопје ќе биде сончево и многу топло со мала до умерена облачност. Попладне во делови од котлината можна е појава на пороен дожд, грмежи и засилен ветер. мч/мд/
фото: МИА архива