Сончево и топло, попладне пороен дожд и грмежи, пад на температурата од среда
- Времето денеска ќе биде сончево и топло со мала до умерена облачност. Попладне наместа ќе биде нестабилно со пороен дожд и грмежи, локално со услови за краткотрајно невреме.
- Post By Андреја Ристески
- 07:04, 22 July, 2024
![Сончево и топло, попладне пороен дожд и грмежи, пад на температурата од среда](https://mia.mk/images/20240721175157_big_730x400_38.webp )
Скопје, 22 јули 2024 (МИА) – Времето денеска ќе биде сончево и топло со мала до умерена облачност. Попладне наместа ќе биде нестабилно со пороен дожд и грмежи, локално со услови за краткотрајно невреме.
Минималната температура ќе биде во интервал од 15 до 22, а максималната ќе достигне од 33 до 39 степени. УВ-индексот ќе има вредност 8.
Во Скопје ќе биде сончево и топло со мала до умерена облачност и со слаб до умерен ветер од северен правец. Попладне во делови од котлината ќе има услови за појава на краткотрајна нестабилност со пороен дожд и грмежи. Минималната температура ќе се спушти до 19, а максималната ќе достигне до 38 степени.
Според прогнозата на УХМР, во следните денови ќе преовладува променливо облачно и нестабилно време со локален пороен дожд и грмежи. Наместа ќе има појава на невреме со интензивен пороен дожд, силен ветер и град. Позначителен пад на температура ќе има од среда. ра/бак/
Фото: МИА архива