Скопје, 3 октомври 2024

Во рамки на работната посета во Словенија, вечерва Министерот за јавна администрација, Горан Минчев, заедно со Амбасадорот на Република Македонија во Словенија, Горан Милевски, присуствуваше на отворањето на изложбата на младата македонска уметница, Мила Добревска.

Изложбата “You can’t put me in a box”, која се одржа во Институтот Св. Станислав во Љубљана, ги истакна иновативните дела на Добревска, истакнувајќи го талентот на младата генерација македонски уметници.

Добревска е визуелен уметник од најмладата генерација уметници од Македонија.

Министерот Минчев беше импресиониран од креативноста на Добревска и меѓународната платформа што ја обезбедува оваа изложба, истакнувајќи:

„Уметноста на Мила Добревска ја одразува длабочината на талентите на младите уметници и нејзината работа е доказ за моќта на уметничкото изразување. Навистина е задоволство да се види успехот на нашите млади уметници на меѓународната сцена. Оваа изложба не само што ја носи македонската култура во Словенија, туку и поттикнува подлабока поврзаност меѓу нашите народи преку универзалниот јазик на уметноста“.

Препознавајќи ја и вреднувајќи ја важноста на уметноста како градење мостови меѓу народите, Министерството за јавна администрација ги поздравува иницијативите кои ја истакнуваат македонската култура ширум светот и ја поттикнуваат меѓународната соработка.

Кабинет на министер за јавна администрација

________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки